Nā Hora Kairangi Nicholas tēnei atikara
Ngāi Tahu Property has joined ACC Investments and Carter Group in Ahumahi Property, a new industrial property company with plans to build a portfolio worth up to $1.5 billion across Te Waipounamu.
The company will initially develop about 200 hectares of industrial land across three Greater Ōtautahi sites at Pound Road in Hornby, Ryans Road near Christchurch Airport and Two Chain Road in Rolleston. Together, the developments are expected to yield about 315 industrial lots and have a projected value of approximately $700 million as developed vacant industrial land.
"He nui tonu ngā hua ka puta mā te iwi," says Justin Tipa, Kaiwhakahaere of Te Rūnanga o Ngāi Tahu.
"Mā te mahi tahi ki ngā rōpū pēnei i te Carter Group me ACC, e tatū ai ērā whakawhaiwāhitanga."
Ahumahi Property will operate as a standalone business and combine the capital of the three equal shareholders. ACC Investments has described the venture as its largest direct investment in the South Island, while the joint company pursues industrial property opportunities beyond its initial Waitaha developments.
"Ehara i te mea kei a mātou ngā whakautu katoa, ehara i te mea kei a mātou ngā hiringa katoa, nō reira e whānui ai ngā āheinga, me mahi tahi ki te hunga, pēnei i te Carter Group me ngā kamupene katoa e hiahia ana mātou," said Tipa.
Ngāi Tahu Property has more than 30 years' experience developing commercial, residential and industrial developments across Te Waipounamu. The iwi-owned company says it takes an intergenerational approach to investment and development, guided by Ngāi Tahu values and a focus on long-term stewardship.
Incorporated just last week, Ahumahi Property plans to offer serviced industrial land for sale alongside purpose-built premises for lease, with some properties to be retained as long-term investments. The developments are intended to provide options for businesses ranging from owner-occupiers to large logistics, warehousing and industrial operators.
"Me rite te tāngata! Nō reira me whai pūkenga me whai pūmanawa te tāngata."
The developments are expected to support a range of industrial activity across Greater Ōtautahi, with Tipa saying that could also create new opportunities for Ngāi Tahu whānau.
"He nui tonu ngā tūranga mahi ka puta i ngā mahi i ngā whare ka tū ai ki runga i tēnei whenua. Mōhio pai ana ahau, kua rite a Ngāi Tahu he nui tonu ngā pūkenga ngā pūmanawa o tātou ngā whanaunga. Me rite, tāria te wā ka puta ai ngā tūranga mahi."
The first serviced industrial sites are expected to become available from the second half of 2027, with development across the three locations planned to progress in stages as market demand grows.
|
|
|
|
Kua hono atu a Ngāi Tahu Property ki ACC Investments me Carter Group ki raro i a Ahumahi Property, he kamupene ahumahi hou e whai ana ki te whakatū i tētahi kohinga rawa tae atu ki te $1.5 piriona te wāriu puta noa i Te Waipounamu.
I te tīmatanga, ka whakawhanakehia e te kamupene nei te 200 heketea whenua ahumahi puta noa i ngā wāhi e toru ki te rohe whānui o Ōtautahi, arā ko Pound Road ki Hornby, ko Ryans Road e pātata ana ki Papa Taunga o Ōtautahi, me Two Chain Road ki Rolleston. Hui katoa, e matapaetia ana ka hua mai i aua whakawhanaketanga e 315 ngā wāhanga ahumahi, ā, ka eke te wāriu o te whenua ahumahi kua whakawhanaketia, e wātea tonu ana, ki te $700 miriona.
"He nui tonu ngā hua ka puta mā te iwi," e ai ki a Justin Tipa, Kaiwhakahaere o Te Rūnanga o Ngāi Tahu.
"Mā te mahi tahi ki ngā rōpū pēnei i te Carter Group me ACC, e tatū ai ērā whakawhaiwāhitanga."
Ka tū motuhake a Ahumahi Property, ā, ka whai pūtea tautoko mai i ngā kaipupuri tokotoru, ā, e ōrite ana ngā hea o tēnā, o tēnā. E ai ki a ACC Investments, koinei tāna haumitanga tōtika nui rawa atu ki Te Waipounamu, ā, e whai tonu ana a Ahumahi Property i ētahi atu whai wāhitanga haumitanga ki ngā rawa ahumahi i tua atu i āna whakawhanaketanga tuatahi ki Waitaha.
"Ehara i te mea kei a mātou ngā whakautu katoa, ehara i te mea kei a mātou ngā hiringa katoa, nō reira e whānui ai ngā āheinga, me mahi tahi ki te hunga, pēnei i te Carter Group me ngā kamupene katoa e hiahia ana mātou," e ai ki a Tipa.
Neke atu i te 30 tau a Ngāi Tahu Property e whakawhanake ana i ngā rawa arumoni, ngā rawa noho me ngā rawa ahumahi puta noa i Te Waipounamu. E ai ki te kamupene, ka ārahina āna mahi haumi me āna mahi whakawhanake e ngā uara o Ngāi Tahu, me te aronga ki te kaitiakitanga mō te wā roa me ngā whakatipuranga kei te heke mai.
Nō tērā wiki tonu a Ahumahi Property i rēhitatia ai hei kamupene. Kei roto i āna mahere te hoko whenua ahumahi kua whakaritea ki ngā ratonga e tika ana, me te hanga whare e hāngai ana ki ngā hiahia o ngā pakihi hei rīhi, ā, ka puritia ētahi rawa hei haumitanga mō te wā roa. Ka whai wāhi atu ngā momo pakihi, mai i ngā pakihi ka hoko, ka whakamahi hoki i ō rātou ake whare, tae atu ki ngā kamupene nui o ngā rāngai utauta, putunga taonga me te ahumahi.
"Me rite te tāngata! Nō reira me whai pūkenga me whai pūmanawa te tāngata," i kī a Tipa.
E matapaetia ana ka tautoko ngā whakawhanaketanga nei i ngā momo mahi ahumahi puta noa i te rohe whānui o Ōtautahi, ā, e ai ki a Tipa, tērā pea ka puta mai he whai wāhitanga hou mō ngā whānau o Ngāi Tahu.
"He nui tonu ngā tūranga mahi ka puta i ngā mahi i ngā whare ka tū ai ki runga i tēnei whenua. Mōhio pai ana ahau, kua rite a Ngāi Tahu he nui tonu ngā pūkenga ngā pūmanawa o tātou ngā whanaunga. Me rite, tāria te wā ka puta ai ngā tūranga mahi."
E matapaetia ana ka wātea ngā wāhanga ahumahi tuatahi kua whakaritea ki ngā ratonga e tika ana mai i te haurua tuarua o te tau 2027, ā, ka haere ā-wāhanga ngā mahi whakawhanake i ngā wāhi e toru i runga i te tipu o te hiahia o te mākete.